Knkawas 2021 nii we, knkawas knpryuxan paru bale yami Seediq. Ga miyan meniq cmikul pstutuy kari nami ka cunghu saya, kika egu ba seediq miyan suupu mbeyax ba pslutuc kari miyan naq Seediq ma, spatis daha, kdmatun ba qmita ka kari nSeediq ga psaan baro na weci-payko hiya.
Knkawas 2015 hayan we, Cungcutase yencumingcu yencyocongsin ge, mnangal kimgal ooda kesun “yencumingcuyi wecipayko cencucihwa”, smneli drudan mkela rmengo ma mkela matis kari Seediq, mkpklaun na seediq bobo dheran nii kari ta Seediq, ani si uka ka seediq mpdudul ma, uka mplekuh na duri ma, uka riyung ka kari pptasun na duri, so ba mttweraq ka ooda nii di; kii naq malu bale, knkawas 2019 de niqan nami yiyen-twetongcucu ka yami di, niqan nami sapah pssliyan pprngangu ooda qpahun nii, ma, psraman ido ppuqun daha duri, kika mtutuy pahung daha mpatis ooda nii dungan.
Knkawas 2020 idas 4, yiyen-twetongcucu miyan yami Seediq we, mita nami nii ka sntangan nami di mesa miyan, kika mlawa miyan riso nami Walis Huwac ka mnangal kawci-zencung meyah dmudul riso weewa pqeepah ooda wiki nii, egu bale riso weewa Seediq na Plmukan ka knkulan na meyah dmayo qmeepah ooda nii, pswayan teru klegan rahur kari nSeediq ka riso ma rudan suupu moda ddaan wiki nii. Kika knkingal ali keeman ripay-u patis hido 18:00~20:30 de, msseli sapah ttgsaan yiyen-twetongcucu hiya moda qqpahun oda wiki nii,
Knkawas 2021 idas 3, msuupu miyan kingal lnglungan kana nami ma, matis nami kari miyan Seediq sposa nami wiki baro, kika qulung ba gaga qtaan seediq bobo dheran nii di, seung naq seediq nami yami Seediq ka maha mqqaras bale, so kiya de, maha daha klaun mesa niqan ririh pnstutuy na kari Seediq Taywan nii ka cunghu ta.
Bobo na, pkbeyax nami lmutuc matis ma, qmeepah ddaan nami quri weci-payko nii dungan; mplawa nami egu ka rrudan ma rriso miyan meeyah dmayo qqpahun nii dungan, suupu kmdakan Weci-payko nnami naq Seediq,
About Dakis Pawan 郭明正
About Hangan: Away Buyung 白玉珍
