a kisupu melja zua a kemeljang, a venecik tjalja zua a kinituluan, aicu a kai kemasi Francis Bacon, na pakeljang tua vecik a picul. ljakua na paiwan a kinacaquwan kemasi cuay patje tucu qinilja tua timitja kai italadj. saka neka sinivecik. kasitucuan a cavilj, sepaqiciulu na kuka kai a mirazek a hulic (國家語言發展法) a lemindjelj kata pinaiwanan a sivecikan a paqulidan. aza pinaiwanan izua tjalja zua mirazek, ljakua mapulu a macaqu a venecik, saka a sinivecik kineljang ika pasuliaw, aza sivecikan izua liaw maljian a siayaya.
pakata imaza i hici a pinaiwanan, lja ljacadja i qinaljan, tjapacucunan a bunka maquliqulip saka maya. kemacu itjen ta maitucu a abunai pakeljang, kicaquan a venecik tua pinaiwanan, au sivecik ta i 維基孵育場. utauta lja i hici a kinaizuanan, marekutj tu izua za vecik a sinipakeljang ta pasumamaw ta qinaljan.
izua caucau maitucu, a i kacauan avan na kai a na kemati. saka tucu tikilu anga pakata pinaiwanan na vecik, lja tjaljamapacun a pinaiwanan imaza i kacauan. sa tja pakeljang papuvarung. timitja tucu kisupu ta na pinaiwanan, kitulu ta pinaiwanan, mirazek timitja paiwan zuku, a venick ta pinaiwanan, melja zua ta kinasaiquan.
About dremedreman 湯賢慧
